山林壽司 (已結業)

今日同朋友一行3人去尖沙咀，当系到烦恼紧食咩好之际，无意中俾我地见到依间新开既寿司店，朋友话决定俾个机会佢试下好唔好食。去到唔算好多人，所以唔洗点等就有得入坐。见到人人张枱都有order刺身拼盘，心谂点依个一定冇死。果然d刺身超级新鲜即叫即切，而且老板好大方三文鱼刺身件件都系厚切大大份，d虾又大只又新鲜弹牙，好有惊喜。食完依个已经忍唔住再encore叫多3份其他刺身拼盘，其中一份刺身师傅仲系面头同我地放左d金箔落去，除左食物新鲜好食之外仲额外多左一份气派除左刺身拼盘好食之外，我地都都仲试下其他寿司同埋小食，全部都好好味都系水准之上，不过试食左太多款啦不能尽录～有图有真相自己去睇吧最最最令我地意想不到嘅系我地3个人丧饮豪食埋单都只系食左$800左右，比我地预期以为一定过千少好多，今时今日系尖沙咀用800蚊就可以食到咁高质素嘅寿司同刺身系边到揾！！食完依餐之后朋友已经立即同老板订左位决定下星期同屋企人再黎食过，咁我都要等佢未出名之前快快手得闲黎食多几次先～唔系嘅话下次可能就要等位排好耐先有得再食了。