季季紅風味酒家 (已結業)

过年前, 唔知同屋企人食咩髭好, 突然谂起有米猪, 之前听就听得多,食就未试过, 好啦咁就去湾仔间季季红订返只猪年三十晚食团年饭!其实都唔平,买猪卷要买两张先有得平,但都要6百几一只, 一心谂住试下无咩所谓啦!!当日去到下午5点左右拎猪已经好多人等紧, 拎到只猪都要成20几30分钟,!返到去一开, 外父第一个反应,话成只猫仔咁, 都唔紧要啦, 唔系咁多人OK啦!真系好似有D瘦同细只...跟住我就剪开佢啦, 佢地有送一把剪刀, 剪完之后发觉濑野, 原来个肚有D线绑住, 俾我剪碎左要慢慢挑返D线出来,点解拎猪时唔提下人呢?好喇剪完之后, 一心期待有几咁好味, 但食落真系无咩特别, D皮唔系脆而系硬, D饭又冻又油, (我又拎猪到返屋企只系20分钟时间), 坦白讲D饭似烧完只猪就咁塞入去!!食左半只都无大家都唔食了, D皮实在太硬!相信应该都唔会再食, 但仲有一张猪卷都唔知点算...