南記粉麵 (京瑞廣場2期)

营业中

休息中

Hello 大家好👋🏻！今日我同同事嚟到位于石门嘅「南记粉面」食早餐。 适逢初二都要开工😭， 我哋又早到咗所以周围睇下有咩食。 行行下就嚟到「南记」。今次同大家分享一下佢哋嘅早餐同服务。石门呢间「南记」唔算大， 坐位唔多，不过都算舒服， 而且服务员态度亲切友善， 好细致咁讲解最近嘅优惠， 大清早受到咁嘅礼待，真系值得一赞，仲要今日系大年初二👏🏻👏🏻👏🏻。美食攻略：今日我点咗「鲜茄汤鱼肉春卷米粉+滑蛋配牛油餐包+冻斋啡」。 先讲下个鲜茄汤底， 呢个鲜茄汤底真系无得输， 番茄味好真实，质感浓厚带有番茄蓉，配米粉食味道好好。 鱼肉春卷系佢地嘅招牌菜， 仍然keep到水准， 春卷弹牙好食。滑蛋嫩滑份量恰到好处😋。 件牛油餐包细细个，用餐时仲温暖👏🏻。不过杯冻啡就一般， 饮得出系即冲咖啡粉， 饮品唔系佢哋主打算不过不失啦。全餐@$38（冻饮加$3但有优惠😚）， 基本早餐价钱但有咁嘅质素，确实抵食。同事点咗「鲜茄汤鱼肉春卷米粉+鱼皮饺汤+热奶茶」。 同事都觉得茄汤米鱼肉春卷好食。至于个鱼皮饺汤个汤底稍为咸咗少少，除咗鱼皮饺仲有生菜垫底， 成件事又好平衡😆。 至于杯奶茶… 同事话都系不过不失。