影片
更多
2020-01-31
71 浏览
农历新年过后复工，约咗个朋友喺观塘区食晚饭。新年流流，再加上疫情肆虐😷，好多餐厅都未必如常咁开，所以我哋都预先打定电话去餐厅确定有开同订枱。我哋六点几打去留座七点，准时去到，店员即刻为我哋送上热茶。餐厅装修真系得一个主题，就系支持香港人的，各式各样嘅海报、标语无所不在💛。望完环境后，就𥄫下个餐牌同墙上啲店主推介，无论寿司定热食小食都选择繁多。丼瀛特选丼($188)，食材有三文鱼两片、剑鱼腩两片、牡丹虾一只、帆立贝一只、海胆一格同三文鱼籽。估唔到个卖相咁正，以为系一个普通大碗，点知系一个高身玻璃碗😍，啱哂打卡。味道唔错，刺身新鲜，而个饭落咗饭素有惊喜。天龙卷(4件)($98)，个名劲型，而实际就系炸虾三文鱼卷。炸虾🍤切开咗都知好大只，卷物上面啲酱有少少辣。金菇牛肉卷($28)，🐮切开咗有六嚿，连埋酱汁一齐食，几惹味。鸡软骨($21)，🐔串烧即刻烧起，热辣辣脆脆的 。忌廉蟹肉薯饼(2件)($36)，呢个一咬开就有爆浆嘅效果，啲忌廉涌哂出嚟🤤，同时亦都食得出有蟹肉丝。三文鱼腩海胆卷(4件)($98)，由于食完个丼饭觉得啲海胆好好食，我哋就追加咗呢个卷。呢个卷嘅海胆同样好味啊😋！总括嚟讲，呢餐
农历新年过后复工，约咗个朋友喺观塘区食晚饭。新年流流，再加上疫情肆虐😷，好多餐厅都未必如常咁开，所以我哋都预先打定电话去餐厅确定有开同订枱。
我哋六点几打去留座七点，准时去到，店员即刻为我哋送上热茶。餐厅装修真系得一个主题，就系支持香港人的，各式各样嘅海报、标语无所不在💛。
望完环境后，就𥄫下个餐牌同墙上啲店主推介，无论寿司定热食小食都选择繁多。
丼瀛特选丼($188)，食材有三文鱼两片、剑鱼腩两片、牡丹虾一只、帆立贝一只、海胆一格同三文鱼籽。估唔到个卖相咁正，以为系一个普通大碗，点知系一个高身玻璃碗😍，啱哂打卡。味道唔错，刺身新鲜，而个饭落咗饭素有惊喜。
天龙卷(4件)($98)，个名劲型，而实际就系炸虾三文鱼卷。炸虾🍤切开咗都知好大只，卷物上面啲酱有少少辣。
金菇牛肉卷($28)，🐮切开咗有六嚿，连埋酱汁一齐食，几惹味。
鸡软骨($21)，🐔串烧即刻烧起，热辣辣脆脆的 。
忌廉蟹肉薯饼(2件)($36)，呢个一咬开就有爆浆嘅效果，啲忌廉涌哂出嚟🤤，同时亦都食得出有蟹肉丝。
三文鱼腩海胆卷(4件)($98)，由于食完个丼饭觉得啲海胆好好食，我哋就追加咗呢个卷。呢个卷嘅海胆同样好味啊😋！
总括嚟讲，呢餐年初六嘅工厦晚餐唔错，食物味道、餐厅环境同服务都ok。夜少少八点到餐厅直头坐爆哂场啊！所以我哋食完都即刻走，废事其他人等咁耐。店员最后仲为我哋送上雪米糍☺️。
张贴
