Norayo The Tteokbokki (已結業)

做紧promotion年糕放题$99，哗，任食唔使一百蚊，咁抵，又黎试下先。预先book左食六点，黎到已劲多人等紧开始，未够钟唔比入场。大概等到六点三左右，开始陆陆续续放人入场，间开左一边场做年糕放题，位置几大下。枱上餐具已预先放好食物各种食材，有菇，丸，蔬菜等。各种年糕，不同形状，亦有近期大热嘅紫薯年糕同芝心年糕。炸物类，有炸饺子，鱿鱼圈等。饭团，粟米，紫菜同芝士，芝士呀！鱼糕汤及酱料鱼糕清汤煮熟，软腍腍的，加了韩式辣酱更美味。炉边蛋，自己添加芝士。食材会加入清汤打边炉，如果喜欢浓味，可加入酱料，个人几喜欢牛骨汁。韩国公仔面～弹牙！吸满汤汁好正呀～公仔面吸干汤汁后就可炒饭，炒年糕亦得我地都炒得有纹有路㗎。虽然食材唔算多款，但味道唔错又新奇，年糕食到饱真系第一次。咁嘅价钱，有得食有得玩，仲有人service你，连碗都唔使洗，抵呀！