炑八韓烤 (已結業)

好耐冇食过韩烧啦尤其是系蛋边果只， 炑八有好多分店但今次都系第一次食。 可能系平日夜晚，唔洗点等位有得入噜 尤鱼同大虾都好好食，一上枱望落都几新鲜，size都唔细添，食左尤鱼觉得几有尤味唔似冰鲜果啲得雪藏味，个虾都ok ，唔系梅嘅肉。不过烧得耐左搞到有点um,但个味道系好食嘅。 今餐另一个亮点就系生蟹。我唔识食蟹，见佢蟹膏咁多，就已经觉得正，虽然话系生蟹，但食落系唔会腥嘅，有少少剌身嘅感觉，加上佢嘅酱油叶过，都几野味，唔系得生蟹味仲有啲酱酒香味 但全餐我最爱嘅还是个蛋边，仲要落埋韩国年糕，年糕溶溶地同蛋溶合埋一齐，我地特登烧耐啲等个蛋㶶啲香啲，加埋年糕正到飞起啊！