影片
更多
2023-07-31
85 浏览
GHETTO CAFE📍旺角黑布街13号地舖倾盘大雨嘅星期日，我同另一位7月生日嘅好朋友约咗去一间人气打卡burger餐厅食下午茶。餐厅嘅女食客比较多，好多人都有刻意打扮得型格一啲嚟食嘢，全场嘅人个个都好积极打卡，好有气氛。不过由于我唔太好影人像，所以餐齐影完食物相就同朋友开吃，最后一张呃like相都无影到，哈哈！我钟意呢度嘅hip hop气氛，除咗有好抢眼嘅neon lights同graffiti外，全间餐厅嘅装修亦好有美式快餐店嘅感觉。主色用咗橙色，加上笑哈哈logo，非常鲜明易认。最正嘅系店内播放住好upbeat嘅音乐，轻快嘅节奏令人更享受喺就度用餐。 💰$90 (+$18 可转套餐)滋味粒粒巨虾堡 🍔唔食牛嘅我嚟到呢度觉得好开心，因为除咗牛肉，餐厅仲有提供鱼肉、猪肉同虾肉嘅选择。我拣咗呢款滋味粒粒巨虾堡，里面夹住蕃茄、生菜同沙律酱，主角炸虾汉堡真系名副其实由一粒粒巨大虾肉堆砌而成，口感非常爽口弹牙，好好食！松软嘅面包好香牛油味，索尽沙律酱但唔油腻，好味！ 💰$110 (+$18 可转套餐)贫民窟大魔王汉堡 🍔朋友拣咗呢个劲巨型嘅贫民窟大魔王汉堡，里面嘅馅多到吓死人！包夹住一大块
📍旺角黑布街13号地舖
倾盘大雨嘅星期日，我同另一位7月生日嘅好朋友约咗去一间人气打卡burger餐厅食下午茶。餐厅嘅女食客比较多，好多人都有刻意打扮得型格一啲嚟食嘢，全场嘅人个个都好积极打卡，好有气氛。不过由于我唔太好影人像，所以餐齐影完食物相就同朋友开吃，最后一张呃like相都无影到，哈哈！
我钟意呢度嘅hip hop气氛，除咗有好抢眼嘅neon lights同graffiti外，全间餐厅嘅装修亦好有美式快餐店嘅感觉。主色用咗橙色，加上笑哈哈logo，非常鲜明易认。最正嘅系店内播放住好upbeat嘅音乐，轻快嘅节奏令人更享受喺就度用餐。
[价钱 Price]
💰$90 (+$18 可转套餐)
滋味粒粒巨虾堡 🍔
唔食牛嘅我嚟到呢度觉得好开心，因为除咗牛肉，餐厅仲有提供鱼肉、猪肉同虾肉嘅选择。我拣咗呢款滋味粒粒巨虾堡，里面夹住蕃茄、生菜同沙律酱，主角炸虾汉堡真系名副其实由一粒粒巨大虾肉堆砌而成，口感非常爽口弹牙，好好食！松软嘅面包好香牛油味，索尽沙律酱但唔油腻，好味！
[价钱 Price]
💰$110 (+$18 可转套餐)
贫民窟大魔王汉堡 🍔
朋友拣咗呢个劲巨型嘅贫民窟大魔王汉堡，里面嘅馅多到吓死人！包夹住一大块薯饼、芝士、炒洋葱、炳肉同两层厚厚嘅牛肉汉堡，要一啖食到晒全部馅真系好有难度！洋葱焦化后变得好香，同半溶嘅芝士好夹，牛肉汉堡虽然厚同有少少筋但唔靭，夹住烟肉嘅油脂，每啖食到嘅都系邪恶嘅美味！
个人认为呢个汉堡实在太大，而且非常足料，如果唔系有返咁上下大嘅胃，建议单点一个汉堡就算啦，好似我哋咁转左套餐之后，基本上饱到食唔到薯条，好彩有得打包咋，大家记住量力而为，唔好浪费食物呀！
[价钱 Price]
💰$40 (+$18 套餐免费加配)
粗薯条 🍟
粗薯条炸得刚刚好，唔会太粉或太干，虽然洒满幼盐但唔会好咸，点偏甜嘅茄汁就最authentic啦！
[价钱 Price]
💰$48 (+$18 套餐再+$10 加配)
芝士墨西哥粟米片 🫕
我自己就偏好食nachos嘅，呢度嘅nachos 本来已经有些少调味，就咁食已经好香口，但我觉得点埋个cream cheese酱会仲好食，所以不知不觉就食晒成兜酱！
[价钱 Price]
💰$48 (跟餐-$10)
芒果Smoothie 🥭🥤
朋友本来想试下香蕉朱古力Smoothie，但今日餐厅无晒朱古力系列嘅Smoothie，所以佢拣咗芒果Smoothie。芒果味比较甜，捞埋啲cream嚟食，夏天饮一流！
[价钱 Price]
💰$48 (跟餐-$10)
士多啤梨Smoothie 🍓🥤
我就叫咗士多啤梨Smoothie，虽然味道比较甜，但typical嘅美式Smoothie一向就系偏甜，所以都系正常嘅！反正佢就系好适合打卡，钟意嘅可以一试！
张贴
