Thai-ger (已搬遷) 新店位置

D2place 近期开咗啲新玩意，所以就同啲朋友去行吓，一上扶手电梯就见到呢一间泰菜，虽然舖位细细，但都好多人食，所以就入去试吓。我哋今次叫咗好多嘢食，有船面、海南鸡、炸猪肉条、pad-thai、猪脾肉配咖喱、香辣肉碎炒饭、椰子鸡汤，同埋芒果糯米饭；饮品方面，叫咗龙眼水，青柠梳打，同班兰特饮。全部嘅嘢食都非常之有水准，船面个汤好好饮，海南鸡啲肉好滑，香辣肉碎比我想像中冇咁辣，好啱啲唔系好食得辣嘅人，椰子鸡汤充满着浓厚嘅忌廉味，成个body好full嘅感觉，芒果糯米饭啲糯米系用咗班兰同碟豆花嘅汁去整，啲椰汁可以自己加，甜度可以自己控制，非常好！绝对值得再嚟食！