酷廚 (已結業)

第一次嚟D2，估唔到呢个building咁多食肆都要排长龙，仲要周末...anyway，好睇呢间唔驶点等就有位。点咗2个set lunch加一个小食，份量都几大。泰式咖哩鸡配红米饭，钟意佢个咖哩系辣，因为好多店都怕客人唔食得辣就唔落辣，但唔辣嘅泰式咖哩就系争咁d。而鸡扒都有腌过，不过可以再腌耐d入味d，个饭系干身，配咖哩一流。蚬肉烟三文鱼忌廉意粉，意粉唔会煮到过火，配料足，加分。整体呢2个set嘅口味都几啱我。炸鸡扒配薯条，虽然系急冻鸡扒，但估唔到入面系juicy，而且粉浆调得几脆口。另外，好耐冇食过呢款薯条，好怀念，不过下次可以俾多d茄汁。