影片
更多
2022-11-03
1157 浏览
铜锣湾食街有新餐厅！门口设计得好有特色！简约得嚟感觉又好年轻～门口侧边可以自助下单～㩒完之后直接入去揾位坐就得～餐牌主要分成几大类：乌龙面、小食、饮品、罐装牛乳蛋糕、其他～坐位系一格格嘅型式，咇返单上嘅QR cord ，当食物准备好就会自己送黎~明太子温泉蛋冷乌龙面 $88白汤叉烧乌龙面 $88南蛮炸鸡沙律 $48炸鸡沙律做得好出色，炸鸡炸得非常松脆入面嫩滑仍然，即使放耐咗都一样保持到咁松脆！再配上少量沙律，可以减少腻感。明太子芝士春卷 $38蛋黄天妇罗 $25日本木村静冈绿茶可乐 $28Solo Tea 炭焙乌龙 $25草莓罐装牛乳蛋糕 $48甜品是最令我惊喜的！用铁罐装住，已经够晒特别～牛乳蛋糕入口香滑非常，啖啖都充满住奶香，仲有入口即溶嘅感觉！食完咁多野之后，用佢黎做结尾，相当满足～📍📍📍📍📍📍📍📍SOLO UDON ソロうどん (铜锣湾)铜锣湾登龙街18号V Point地下3号舖
铜锣湾食街有新餐厅！门口设计得好有特色！简约得嚟感觉又好年轻～
门口侧边可以自助下单～㩒完之后直接入去揾位坐就得～餐牌主要分成几大类：
乌龙面、小食、饮品、罐装牛乳蛋糕、其他～
坐位系一格格嘅型式，咇返单上嘅QR cord ，当食物准备好就会自己送黎~
明太子温泉蛋冷乌龙面 $88
[分数：8/10］
同朋友分别叫咗一份冷乌冬同一份热乌冬试吓～天气热嘅时候，叫冷乌冬就最啱~惹味嘅明太子配上香滑嘅温泉蛋，冷乌冬口感爽弹，感觉清爽～
白汤叉烧乌龙面 $88
[分数：8/10］
热乌冬嘅汤底拣咗鸡白汤，送到嘅时候即时闻到好香嘅鸡汤味～叉烧大大件，肉质嫩滑，入面嘅脂肪仲入口即溶添！另外，虽然佢系热乌冬，但乌冬嘅口感依然烟靭~
南蛮炸鸡沙律 $48
[分数：8.5/10］
这款南蛮炸鸡沙律做得好出色，炸鸡炸得非常松脆入面嫩滑仍然，即使放耐咗都一样保持到咁松脆！再配上少量沙律，可以减少腻感。
明太子芝士春卷 $38[分数：8/10］
好有特色嘅春卷！入面系包住满满嘅明太子同芝士，虽然经炸过，但食落都唔会觉得太漏，明太子同芝士味道相夹，配上春卷皮味道唔会太咸。
蛋黄天妇罗 $25
[分数：8/10］
之前有食过原只嘅鸡蛋天妇罗，但细细粒嘅净蛋黄天妇罗真系第一次试！咬嘅时候蛋黄仲有蛋汁流出～蛋汁好香浓！既特别又好食！
日本木村静冈绿茶可乐 $28
Solo Tea 炭焙乌龙 $25
[分数：7/10］
饮品方面，佢地有2款自家制嘅茶类，炭焙乌龙同玉山乌龙，朋友拣咗相对浓味嘅炭焙乌龙。而我就拣咗绿茶可乐，绿色嘅可乐感觉已经够特别，仲要饮落带淡淡绿茶味，值得一试！
草莓罐装牛乳蛋糕 $48
[分数：9/10］
甜品是最令我惊喜的！用铁罐装住，已经够晒特别～牛乳蛋糕入口香滑非常，啖啖都充满住奶香，仲有入口即溶嘅感觉！食完咁多野之后，用佢黎做结尾，相当满足～
📍📍📍📍📍📍📍📍
SOLO UDON ソロうどん (铜锣湾)
铜锣湾登龙街18号V Point地下3号舖
张贴
