影片
更多
2019-10-22
915 浏览
近日终于迎黎秋风, 收工终于有闲情系条街四围揾食今日经过天后, 系电气道行真系乜野都有得食突然口痒想食乳猪, 就开始四围揾烧味铺行过呢间君御烧味, 见到门口一堆C9等紧外卖, 直角话我知应该系街坊店应该唔会伏, 入闸一试门口有一位四眼靓仔伙计, 好有礼貌招呼每一个客人入去系烧味店呢类 光速餐既世界, 有哥仔充满笑容同你讲「欢迎光临」, 再充满笑容同你讲「多谢帮衬」呀哥, 呢D 叉烧佬边度揾呀?入到去见到人客都几多, 但环境干净, 餐牌都唔望, 即刻叫碟「乳猪叉烧饭」因为系食夜市, 好彩重有乳猪卖碟饭黎到, 乳猪睇落已合格有突但叉烧佬既心情似乎受香港复杂既环境所影响, 比旧叉烧有少少太瘦虽然已经晚市, 但食落乳猪皮仍然非常松脆, 有好香既碳烧味乳猪厚肉而嫰口, 街坊店黎讲已算超水准表现平时系中环番工, 有时口痒食碟乳猪饭, 轻则80大元重则过百埋单, 但都食唔到满意既乳猪而系天后呢度, 51蚊一碟乳猪双拼饭有呢个水准, 赢晒啦呱散叫左杯冻柠茶, 茶味算香浓, 埋单走人离场时重遇四眼靓仔小哥, 应该系老板, 全场飞非常落力靓哥仔随单附送一客「笑容」同「多谢帮衬」心入面突然相信呢间系香港岛最
今日经过天后, 系电气道行真系乜野都有得食
突然口痒想食乳猪, 就开始四围揾烧味铺
行过呢间君御烧味, 见到门口一堆C9等紧外卖, 直角话我知应该系街坊店
应该唔会伏, 入闸一试
门口有一位四眼靓仔伙计, 好有礼貌招呼每一个客人入去
系烧味店呢类 光速餐既世界, 有哥仔充满笑容同你讲「欢迎光临」, 再充满笑容同你讲「多谢帮衬」
呀哥, 呢D 叉烧佬边度揾呀?
入到去见到人客都几多, 但环境干净, 餐牌都唔望, 即刻叫碟「乳猪叉烧饭」
因为系食夜市, 好彩重有乳猪卖
乳猪叉烧饭
$51
114 浏览
0 赞好
0 留言
碟饭黎到, 乳猪睇落已合格有突
但叉烧佬既心情似乎受香港复杂既环境所影响, 比旧叉烧有少少太瘦
虽然已经晚市, 但食落乳猪皮仍然非常松脆, 有好香既碳烧味
乳猪厚肉而嫰口, 街坊店黎讲已算超水准表现
平时系中环番工, 有时口痒食碟乳猪饭, 轻则80大元重则过百埋单, 但都食唔到满意既乳猪
而系天后呢度, 51蚊一碟乳猪双拼饭有呢个水准, 赢晒啦呱
散叫左杯冻柠茶, 茶味算香浓, 埋单走人
离场时重遇四眼靓仔小哥, 应该系老板, 全场飞非常落力
靓哥仔随单附送一客「笑容」同「多谢帮衬」
心入面突然相信呢间系香港岛最有招呼既平民烧味店
食完乳猪, 算系完成左今日既开饭目标。
张贴
