幸福鍋 (已結業)

呢间店新开冇耐，装修几靓又新净，所以已经吸引好多人黎食，晚市要排队等位，见到佢有得外卖，就一于试下先。1️⃣简左你要边个肉类Set，每个set都包一份蔬菜篮2️⃣简汤底3️⃣简个面类或饭4️⃣如果想配埋饮品，加$10。5️⃣如果想好似系店铺打边炉既感觉，加$10就可以有一set打边炉工具。 美国牛板腱，猪梅花，阿嬷烧酒鸡份量好足够，梅花肉肉质好鲜嫩，而且唔会好油腻。牛板腱肉味好香浓，咬口有韧劲。烧酒鸡浸得好重酒味，煮完之后依然食到好香浓既酒味😋澳洲牛小排，海虾墨鱼滑鱼皮牛小排油花分布都唔错，食落好柔软，绝对合我心水。海虾都新鲜，肉质弹牙，墨鱼滑鲜甜爽口。🥬菜篮有粟米🌽、莲藕、冬菇、南瓜🎃、萝卜、豆卜、生菜、金菇、杂菇、蕃茄🍅。御膳麻辣鸭血锅好香既麻辣味，辣度都ok，鸭血份量都唔少。桃胶人参美人锅饮落去个汤都好清甜。古早鲜橙茶里面有几片新鲜橙🍊。冰糖红枣炖雪耳材料好足够，甜度亦岩岩好。我地打左差唔多两小时，个酒精罐都未用完，所以想慢慢食既朋友都可以试埋佢个外卖package。