幸福堂 (已結業)

同姐姐喺铜锣湾做节食过晚饭后,虽然已经好饱,但系女人嘛...要塞甜嘢入个肚度,系会有第二个胃嘅嚟到呢区,近期最hit嘅台式饮品店都好似俾我试得七七八八,就系争呢间幸福堂未饮过,around九点左右行到过嚟,竟然冇人龙㖞哈!香港人变心真系变得何其快呀......咁就顺理成章造就咗我喇,排队俾钱买单,我都只系排第五个,仲要系俾完钱就九秒九即刻冲好有得饮,内心都有啲兴奋嘅感觉。喺我后面排队嘅人俾完钱就自动走开咗,要啲职员叫停啲人话：「唔好走呀!冲好喇!有得拎喇!唔洗等呀!」场面搞笑大家都好似已经陷入咗一个病态...就系买台饮要慢慢等,机械人咁 速度快,服务好,自然就对呢杯嘢有唔小期望,我买呢杯系佢标明招牌焰遇幸福嘅黑糖珍珠鲜奶,见到杯入面深啡色占咗好大比例,都感觉到幸福堂对黑糖方面落手一啲都唔吝啬,仲有就系占咗杯嘅三份之一位置嘅珍珠,一样都系卖$30蚊,同隔离舖并肩而行。 认真搅拌试咗几啖之后,好欣赏杯嘢嘅面头有一层类似奶泡嘅口感,仲有就系Q弹嘅珍珠,鲜奶味浓郁加上被打至滑溜,但系缺点就系黑糖太旺盛喇,令到成杯饮品都过甜了