幸福堂 (明發大廈) (已結業)

系旺角行到口渴，本身想买李圆圆饮，但系因为年初三嘅关系，所以佢冇开门，咁就唯有再揾吓其他台式饮品店，见到呢间幸福堂好似都唔错，今次就试吓佢嘅黑糖珍珠真鲜奶。喺佢嘅门面已经可以见到熬制黑糖珍珠同埋制作饮品嘅过程，都几特别。🎈黑糖珍珠真鲜奶🧋一饮落去发现佢嘅味道其实同李圆圆都有啲啲相似，因为佢哋嘅黑糖都系用咗蔗糖，咁样饮落去嘅话味道唔会太甜，啱啱好，不过佢呢一度嘅黑糖就未溶得晒，一路饮嘅时候仲会饮到一粒粒嘅黑糖，唔知呢个系咪特色😅但系有一点我几钟意，就系佢落嘅鲜奶分量几多，奶味都重，整体来讲个味道算系唔错，而且珍珠烟韧好咬，比其他珍珠奶茶店好。