本延鍋物

营业中

休息中

估唔到真系唔打唔撞竟然系铜锣湾揾到一间装修得好日式嘅餐厅，望落去系个款好靓好想入去打卡嘅cafe ，点知原来系shabushabu，仲要系欢迎 一人shabushabu😆，因为有啲位系可以透过望住玻璃窗食，完全唔怕尴尬。本身我就同朋友就系寿喜炉爱好者，所以就拣寿喜烧汤底，分别拣日本黑毛和牛A4 套餐&本延特选黑毛和牛套餐。而且套餐系包冷热食用豆腐，蔬菜拼盘，虾滑，饭同埋甜品，超级丰富🤤。寿喜烧汤底个人觉得几出色，因为唔太甜太重口味，唔使惊一边食一边要狂饮水解油腻。个日本黑毛和牛估唔到有6，7块而且都几啱我口味，油脂估3成，唔怕食2，3块就极饱肚，可以慢慢享受。相反本延特选黑毛和牛，虽然无咁多块，但就好大块，肉质来讲都系日本黑毛和牛比较滑身啲。整体食完，都觉得好抵食，食得好饱，最正系有冻冻地抹茶啫喱甜品。