爆丼屋 (山東街)

营业中

休息中

男朋友之前同朋友食过呢间，搬左铺之后就带我黎食因为知我好中意食日本嘢，扫code睇餐牌，见到样样都劲吸引，劲想全部都叫晒，我叫左个四重火山盛丼，第一眼就比佢吸引到，有齐晒我最中意既材料，三文鱼籽、吞拿鱼蓉、松叶蟹肉，同埋大大份海胆，深浅色各有不同，海胆非常新鲜，深色海水味较浓，浅黄则系较鲜甜，大大啖真系好正，三文鱼籽系个口到不停pop爆珠口感好得意，香葱吞拿鱼蓉更加唔洗多讲，加啲芥末同豉油，捞饭一齐食，入口即溶，超级幸福呀！一碗饭实现晒我全部愿望！😍😍😍😍😍仲有个味噌汤非常足料，有海苔，蚬肉，瘦肉同豆朴，所以除左平时味噌咸味仲有鲜甜味，似饮紧猪骨汤，作为前菜冬天暖胃又好饮，另外叫左个芒果沙冰，大大杯包你饮到捧住个肚走，佢真系有芒果唔系净系得个味，overall真系大赞！必定翻check😂😂😂