幸圓

营业中

休息中

和友人很喜欢这间餐厅坐低食嘢倾偈，环境好宁静，和式木系嘅设计坐得好舒服！一系列嘅和色洋食，餐牌嘅图画同出品都一样咁靓～可以打卡心情又更好三文鱼他他配法式面包三文鱼配上红洋葱调味酸酸甜甜好开胃！用嚟配法式香脆多士美味可口。炸广岛蚝估唔到炸物都咁出色，热辣辣即叫即炸，外皮松脆，蚝肉鲜味。Mango Paradise芒果沙冰底，够滑身，芒果味道浓郁，夏日清爽之选！黄金蟹肉芦笋忌廉蟹籽意粉🍝卖相好靓，加入咗咸蛋黄所以色调金黄，酱汁包裹着每条意粉，相当美味，加上蟹肉特别鲜味。盐烧加拿大保湿猪鞍配蜜糖芥末籽汁爱上慢煮嘅猪鞍，有时俾牛扒更好吃😋猪鞍够厚，肉质真系够嫩多汁好保湿，一啲都唔亁。配菜有薯蓉，都系装饰得好靓～士多啤梨芭菲粉色系列超靓～草莓雪糕、草莓cream 、仲有草莓粒🍓🍓🍓由上层食落去都唔会融得得好快，推介。