影片
更多
2010-03-03
23 浏览
11月21日, 3000天快乐!我地嘅重要日子, 当然要拣番间好野庆祝~! 又要好食, 又要食得饱, 又唔会太贵, 我地都会拣食任食~ 而日式放题都系我地其中一个喜好! 今次拣咗黎食烧魂一, 专食日式烧肉任食, 都几难book枱, 好在我早2个星期book, 有个舒服嘅window 卡位, 来庆祝我地嘅3000天!~一坐低order都未落侍应就会奉上一碟猪牛羊拼盘, 一碟海鲜拼盘同一碟刺身比我地浅尝唔同种类嘅食物~ 咁我地钟意食乜就encore~ 如此安排实在体贴! ::: 刺身寿司类 :::首先喺d烧肉未ready好之前先食住d冻野先~ 刺身数量其实唔多, 只有4-5款选择, 不过其实我地又唔系好在意, 因为我地都只系钟意食三文鱼~ 而佢d三文鱼卖相好, 味道肥美, 比一般任食货色好~ 其他刺身仲有吞拿鱼, 剑鱼等等…都唔错. 其他冻野仲有冷煮牛柳粒, 少少辣几开胃~ 冷面就比较普通, 尤其冷面汁好淡冇味… 寿司竟然有任叫嘅海胆寿司~! 咁贵嘅食材, 所以我地对佢都冇乜期望, 当真入口味道唔算差, 不过食一件就够… 而我地钟意食嘅软壳蟹只有手卷可叫, 软壳蟹份量少得可怜…::: 肉类
我地嘅重要日子, 当然要拣番间好野庆祝~! 又要好食, 又要食得饱, 又唔会太贵, 我地都会拣食任食~ 而日式放题都系我地其中一个喜好! 今次拣咗黎食烧魂一, 专食日式烧肉任食, 都几难book枱, 好在我早2个星期book, 有个舒服嘅window 卡位, 来庆祝我地嘅3000天!~
一坐低order都未落侍应就会奉上一碟猪牛羊拼盘, 一碟海鲜拼盘同一碟刺身比我地浅尝唔同种类嘅食物~ 咁我地钟意食乜就encore~ 如此安排实在体贴!
::: 刺身寿司类 :::
首先喺d烧肉未ready好之前先食住d冻野先~ 刺身数量其实唔多, 只有4-5款选择, 不过其实我地又唔系好在意, 因为我地都只系钟意食三文鱼~ 而佢d三文鱼卖相好, 味道肥美, 比一般任食货色好~ 其他刺身仲有吞拿鱼, 剑鱼等等…都唔错. 其他冻野仲有冷煮牛柳粒, 少少辣几开胃~ 冷面就比较普通, 尤其冷面汁好淡冇味…
寿司竟然有任叫嘅海胆寿司~! 咁贵嘅食材, 所以我地对佢都冇乜期望, 当真入口味道唔算差, 不过食一件就够… 而我地钟意食嘅软壳蟹只有手卷可叫, 软壳蟹份量少得可怜…
::: 肉类 :::
主打出场! 主要肉类都系以牛猪为主, 每种都超过5-6款, 其次仲有d羊, 鸡~牛类有和牛, 安格斯, 牛肩肉, 一口牛, 牛舌, 金菇牛肉卷等等~ 猪类有豚肉, 五花腩, 猪颈肉等, 因为我地一次过叫所以黎到乜牛打乜猪都唔知… 其实每样都算唔错, 冷藏味仲系有少少, 所以d肉会冇乜肉汁又会好快干, 同埋d肉本身系无乜调味嘅~ 但系佢地俾嘅酱汁可以弥补番~ 另外我地仲有食羊胺, 羊肉片, 单骨鸡翼, 总之最基本嘅肉都可以烧~ 对于我地两个食肉兽, 真系大饱口福~!
::: 海鲜类 :::
海鲜有花竹虾, 生蚝, 带子, 蚬同翡翠螺~ 除咗花竹虾之外, 其他有壳嘅都比较难烧, 尤其生蚝同带子, 好彩侍应生都好有耐性咁教我地烧~ 原来d贝类系要摆外围, 咁d水先可以流落下面个炉底~ 摆中间d水滴落个兜度就会烧干又一朕味架喇! d海鲜都几新鲜, 食落鲜味十足, 求为唔好太干千祈唔好烧咁耐, 其中翡翠螺烧太干唔好食~ 最好味嘅有花竹虾同蚬, 虾点少少海盐已经好带出味道, 蚬就咁食都好鲜~
::: 蔬菜类 :::
食咁多肉, 都要食番d蔬菜~ 有呀菲非常钟意嘅粟米之外, 仲有茄子, 翠玉瓜, 鸡髀菇, 洋葱, 菠萝等~ 粟米, 翠玉瓜同鸡髀菇都十分好味~ 茄子麻麻, 因为又系好快干, 入面好难熟…
::: 炸物类 :::
除咗食烧肉, 我地仲食咗唔少炸物, 虾都有分天妇罗虾同吉列虾, 都系即叫即炸热辣辣! 其中天妇罗虾炸得香脆, 中间嘅虾又嫩滑~ 出色! 其他嘅炸蚝, 炸带子, 饺子都好好味, 系烧肉以外食得最多嘅~
以$200唔驶嘅价钱可以食到日式烧肉, 真系十分满足, 当然质素唔可以同正宗嘅烧肉店比~ 坐得好舒服, 食足2个半钟~ 虽然有last order, 但系叫咗可以慢慢烧唔会赶人走, 未中不足系个抽烟系统, 人多时未免全舖都烟雾弥漫, 食完个身都有少少味架.而家佢weekend book台要落$100人头deposit … 好巴闭~ 不过有得玩有得食, 我地会再 encore~
张贴
