影片
更多
2012-08-13
49 浏览
本来老公订咗7点枱, 但同老公喺大埔游完水, 搭车出到佐敦都未够6点半, 所以提早去食, 因为早所以未满座, 如果夜啲多人都几迫架!我哋好开心咁剔咗好多o野, 侍应姐姐问我哋要咩辣, 唔知咩环境, 都系叫住中辣先, 跟手叫埋支青岛, 食串烧点可以少咗啤酒呢个好朋友呀!首先系凉伴青瓜上场, 呢样系老公至爱, 未食已经闻到好香麻油蒜头味, 见佢咁多辣油, 仲以为好辣, 但一食落口又唔觉得辣㖞, 冻冻哋酸酸哋, 好开胃, 不过老公唔钟意食酸o既青瓜, 所以始终最爱麻辣王o既青瓜!跟住系烧韮菜, 之前去大尾督巴蜀自己烧过嚟食, 已经一试爱上, 今次呢度烧得专业好多, 冇烧干, 而且韮菜又嫩, 辣粉又香, 真系越食越想食呀!再嚟就系田螺, 老公超爱呢个, 因为个汁香浓又够辣, 田螺又入味, 只系略嫌田螺唔够肥, 但都有95分, 正!烧尖椒微辣, 一样烧得啱啱好, 唔会干, 仲好juicy, 正!跟住就系几款串烧, 我最爱羊肉, 膻香加埋香料简直系一流, 而且又juicy, 真系远远好食过大陆𠮶啲新彊羊肉串架! 鸡肾同黄喉都系烧得啱啱好, 不过我觉得黄喉唔多够味, 如果多少少盐会好啲, 鱿鱼系老公
我哋好开心咁剔咗好多o野, 侍应姐姐问我哋要咩辣, 唔知咩环境, 都系叫住中辣先, 跟手叫埋支青岛, 食串烧点可以少咗啤酒呢个好朋友呀!
首先系凉伴青瓜上场, 呢样系老公至爱, 未食已经闻到好香麻油蒜头味, 见佢咁多辣油, 仲以为好辣, 但一食落口又唔觉得辣㖞, 冻冻哋酸酸哋, 好开胃, 不过老公唔钟意食酸o既青瓜, 所以始终最爱麻辣王o既青瓜!
跟住系烧韮菜, 之前去大尾督巴蜀自己烧过嚟食, 已经一试爱上, 今次呢度烧得专业好多, 冇烧干, 而且韮菜又嫩, 辣粉又香, 真系越食越想食呀!
再嚟就系田螺, 老公超爱呢个, 因为个汁香浓又够辣, 田螺又入味, 只系略嫌田螺唔够肥, 但都有95分, 正!
烧尖椒微辣, 一样烧得啱啱好, 唔会干, 仲好juicy, 正!
跟住就系几款串烧, 我最爱羊肉, 膻香加埋香料简直系一流, 而且又juicy, 真系远远好食过大陆𠮶啲新彊羊肉串架! 鸡肾同黄喉都系烧得啱啱好, 不过我觉得黄喉唔多够味, 如果多少少盐会好啲, 鱿鱼系老公最爱, 所以我冇试, 但佢都话好好食.
到烧露笋啦! 同烧韮菜一样, 够嫩又唔干, 正!
最后就系秋刀鱼, 佢同我平时去日本餐厅食o既差不多, 因为秋刀来货都系一样, 只系呢度用咗香料去烧, 肉质结实外皮香脆, 加柠檬汁一流, 不过如果我下次嚟未必会再叫, 因为唔太特别.全晩最可惜系漏咗花甲王, 不过全晚可以同老公叹住啤酒,食咗咁多样好味o既o野, 我都已经觉得好幸福啦! 多谢老公为我安排一餐幸福温馨串串烧呀!
题外话/补充资料：
第一支啤酒嚟到时唔系好冻, 第二支嚟o既时候系暖架! 我同侍应哥哥讲, 佢都即刻换番支冻o既俾我, 但我连累新做o既侍应姐姐俾斗, 我真系有啲唔好意思啰!
(以上食记乃用户个人意见 , 并不代表OpenRice之观点。)
张贴
