影片
更多
2013-12-28
5655 浏览
十一月初，小肥突然患上「大肠激躁症」 ，肠胃不适，导致食欲不振，Auntie A请客差啲都要缺席；幸好食药过后，肠胃得以舒缓，饭局当晚病情有好转，小弟方可应邀出席。因医生叮嘱小肥要注意饮食，暂时唔准食太油腻之食物，此食评中o既食物分数及评语大多由当晚坐喺小肥旁边o既Auntie P提供 。XO仔喺度想首先多谢Auntie A诚邀晚辈作客，以及Auntie P为食物作出评价，不过小弟更加要多谢同桌o既每位长辈给予XO仔无微不至o既照顾 ，真系好温馨！印象中小肥多年前好似黎过「满福楼」饮茶，记得食物质素都有番咁上下；冇再帮衬o既主要原因系地区挤塞 ，而且离地鐡站颇远。「满福楼」系酒店中菜厅，楼面高，冷气足，地方光猛阔落，卫生舒适，就算全厅满座都唔觉得特别嘈。客观评论，虽则万丽海景酒店贵为五星级酒店，但其下之「满福楼」中菜厅o既服务就比较平庸 。服务生态度并非恶劣，但亦不见得特别友善，工作态度其实都算系几散漫；当晚除咗分𩠌同上菜之外，冲茶、加水、换碟等都要客人不断自己提出要求，佢地先慢条斯理去跟进，好多时都系客人自己斟酒饮添，唔讲真系唔知自己喺酒店食紧野啰 ！Auntie A一早
印象中小肥多年前好似黎过「满福楼」饮茶，记得食物质素都有番咁上下；冇再帮衬o既主要原因系地区挤塞 ，而且离地鐡站颇远。「满福楼」系酒店中菜厅，楼面高，冷气足，地方光猛阔落，卫生舒适，就算全厅满座都唔觉得特别嘈。
客观评论，虽则万丽海景酒店贵为五星级酒店，但其下之「满福楼」中菜厅o既服务就比较平庸 。服务生态度并非恶劣，但亦不见得特别友善，工作态度其实都算系几散漫；当晚除咗分𩠌同上菜之外，冲茶、加水、换碟等都要客人不断自己提出要求，佢地先慢条斯理去跟进，好多时都系客人自己斟酒饮添，唔讲真系唔知自己喺酒店食紧野啰 ！
Auntie A一早写哂𩠌，人齐就开饭；先上四小碟，跟住饮汤，接住就上虾、鱼、鸡、菜、饭、甜品，非常丰富 。
四小碟之脆皮烧腩肉：烧腩肉层外皮好香脆，肉质一啲都唔嚡唔实，而且肥膏唔算多，感觉唔油腻，所以小肥食完再食 。
四小碟之椒盐九肚鱼：惊椒盐会刺激肠胃，所以XO仔冇食。据Auntie P报导，九肚鱼做得唔够松。
万寿果螺头煲凤爪枚肉汤：个螺头汤好足料，而且好够火喉，带甜o既味道浓得黎唔浊，面层又冇油，健康美味 ！细心o既Auntie P指出，师傅好有心机地舖砌出汤料，推砌出黎o既鸡脚山以木瓜作底，美观得黎无论系颜色定系食材都非常之有层次 。
豉油皇煎生中虾：Auntie T同Auntie P二口同声地大赞只游水虾新鲜爽口，煎得够干身，且野味得黎唔会过咸，似乎唔食得o既XO仔又走宝lu 。
头抽姜葱篜原条青衣柳：青衣并非鱼形上，Auntie P猜测师傅系先将青衣切成一件件后先蒸；小肥冇谂过不过非常同意。青衣柳鱼肉好滑，不过就如Auntie P所言般唔够幼嫩，估计此乃师傅以「先斩后蒸」o既煮法所引致。
正宗盐焗鸡：盐焗鸡连杂上，鸡肉香嫩入味，唔错！
鲍汁柚皮唐生菜：鲍汁乃茨汁，大肥话算油腻，小肥又冇得食；唔知Auntie P系咪安慰我呢 ，佢话个鲍汁好有味，不过柚皮就有少少「渣」。
其他：四小碟之卤水炸豆腐
四小碟之卤水猪脚仔
腊味糯米饭
蛋白杏介茶「满福楼」地方唔差，食物质素及美味程度属中上，只系服务生态度欠缺诚意 ，平庸得很。因Auntie请客，𩠌菜价钱不详，作为后辈o既小肥亦唔好意思问，抵唔抵食就不得而知。XO仔当日虽然不在状态，进食不多，但仍得到多位长辈关心，深感荣幸被邀之余，简直系幸福满泻 ；Auntie Uncle们～感激！感激！
张贴
