幸福班戟 (已結業)

今日放假同妈咪行完街，想食少少野，又唔想食正餐晚餐咁饱，所以觉得去食班戟都系一个好选择。幸福班戟我始终觉得梳乎厘班戟黎讲，原味先系最试到味道，亦系最稳定之选。落单到出餐 15分钟左右，新鲜整出嚟，颜色同卖相都保持到水准，加埋蜜糖同牛油，香气同味道都有升华。始终都想食少少咸野，所以都叫多左另一个口味。全麦班戟配芝士蘑菇奄列咸班戟已经唔系到到都有，仲要系梳乎厘 Pancake 就更加少，比起甜梳乎厘班戟，咸梳乎厘班戟质地比较实净，燕麦香味亦都好浓，自己都喜欢食燕麦，呢个浓郁香气令我 supprise。除左疏乎厘 Pancake 仲有奄列同沙律菜，感觉健康，营养均衡。麦卢卡蜂蜜 Roll cake摆盘好靓都精致，roll cake 大大件，仲有小红莓同 granola同忌廉伴碟。Roll cake 外层有食到有麦卢卡蜂蜜独特香味，厚度都适中，软熟唔干身，中间whipped cream 就稍微逊色，欠缺香滑口感，亦欠缺奶香，幸好底层有小红莓，granola同忌廉，为roll cake提供唔始层次搭配。