幸福鍋 (已結業)

终于开左啦，住附近嘅我紧系黎食下啦，我地食下午茶都要等位，系门口见到餐牌都抵食。幸福一品臭臭锅 $68正宗台式味道，唔止配料多，连一啲台湾特式配料都有，好似米血糕、鸭血，辣度可以自选，套餐仲跟埋主粮同埋特式饮品，呢个价钱绝对好抵食。蕃茄汤白豚肉锅 $66蕃茄汤鲜甜，配料同样非常多，最喜欢既系佢蔬菜比例较多，食落唔会好漏，女士食既话一定够饱。澳洲牛小排$58除左一锅锅既锅物，唔够的话亦可以自选追加，因为本身拣左既套餐都系猪肉片，所以就试下澳洲牛小排，牛味浓郁，薄切但份量多，钟意食牛肉既一定要试下。大元贝$28弹牙鲜味，唔会食到成口沙。海虾$28肉质爽口，一份有3大只。广岛蚝$28蚝味够，一啲都唔腥，煮完亦唔会好缩水。古早鲜橙茶套餐饮品除咗一般汽水，仲有好多自家制饮品，橙茶茶味香浓，加上淡淡橙香，唔会好甜，解腻一流。冰糖红枣炖雪耳好似糖水，但转成支装饮品又几特别，同橙茶一样甜度适中，打完边炉饮埋就最啱。