Lab Made 分子雪糕專門店 (已結業)

一向都好钟意食Lab Made，因为分子雪糕真系好得意，明明食紧雪糕，但个味又唔系雪糕个味㖞，真系好过瘾，越系精神错乱越觉得好食～我第一次食既系黑白豆腐花味，好过瘾，明明系豆腐花味，但系口感系雪糕，真系好得意～一出左腐竹糖水味我就已经好想食，因为好想知固态既糖水系咩感觉～前日我去开尖沙咀，对脚就会自动波行过去美丽华个边揾Lab Made，睇下有咩味～咁啱见到无人㖞，就梗系即刻落单买啦！$44真系有啲贵，但真系好得意，比铜锣湾另一间分子雪糕有创意得多，所以都值既～因为无人排队，所以around 2分钟就有得食啦～一杯有1.5球，面头有粒薏米，雪糕就系好似固体版既腐竹糖水啰～薏米味较重，鸡蛋味几乎无，雪糕入面啖啖腐竹碎，好得意。 味道好清，唔算甜(虽然我都觉得甜左啲)，食完成杯都无唔舒服，味道好soft，钟意重口味既朋友可能觉得无味啦～～比起上次食左既斑兰蛋糕，我觉得呢个好食好多～下次如果出返黑白豆腐花，我一定会买！！唔知会唔会出菠萝包味呢？？