南小館 (已結業)

今晚同女友食晚饭，女友知我钟意上海菜，好贴心咁提议食南小馆。 我地系The One行左一阵就去左攞飞等位，等左唔算耐，15分钟到就有位。我地叫左个南小馆四小拼 (有糖醋排骨，花雕醉鸡，秋葵木耳，凉伴彩丝，HKD 78)，蒜蓉芥兰 (HKD 42)，鲜肉小笼包( HKD 45)，招牌生煎包 (HKD45)同埋老重庆担担面 (HKD45)。先黎既系四小拼，卖相唔错，几精致，排骨酸酸甜甜，醉鸡就略为唔够酒味，其余两味都味道唔错。 至于个芥兰，本人都几喜爱，因为唔油腻或者太重蒜蓉味。小笼包就皮薄，一咬落去，肉汁就出黎，味道唔错。 至于个生煎包就热哄哄既，都几大个，味道就不过不失啦。至于担担面，分量适中，不过唔够辣，如果可以再辣少少就perfect。