鼎家喜筷 (已結業)

入冬后当然要食鸡煲😍放工同老公去咗荃湾海之恋的「鼎家喜筷」🥢 餐厅主打烧味、小菜，亦有90分钟无限添鸡件🐣幸福鸡煲。套餐配送「新鲜蔬菜1份」，其他配料就要额外加配。⭐️ 幸福鸡煲 💲168/位有三款辣度选择，BB辣、中辣、大辣。我地拣咗BB辣。鸡煲入面有秘制鸡煲酱、鸡件、洋葱、芫茜、辣椒。用洋葱、辣椒爆香嘅鸡煲一上枱已经香喷喷。上枱后再焗多几分钟就可以食得！鸡肉本身已经有调味，多数都系髀位，质地好滑嫩，好Juicy。就算系鸡胸肉都唔会鞋。⭐️ 任饮花茶 💲28/位食鸡煲较重口味，所以一定要加配饮品。我地叫咗柠檬洛神🍋。味道唔算太酸。⭐️ 加配配料食完鸡煲就可以加汤打边炉。我地额外点咗珊瑚蚌、出前一丁、午餐肉。珊瑚蚌口感好爽脆。出前一丁吸收晒汤底精华，好滋味。📍鼎家喜筷荃湾大河道100号海之恋商场3楼3012号舖