影片
更多
2022-08-24
45 浏览
一直都知道尖沙咀有间幸福鸟，主打日式串烧，但一直都未有机会去试，知道太古城岩岩开咗新分店，即刻趁有时间约埋朋友去食。餐厅入面无论系餐桌嘅颜色同物料都比人一种好似去咗京都一样嘅感觉，问返店员先知道餐厅嘅设计灵感取自由明治时代开始的日本文化重镇京都深度构想，不论线条、形状同触感都同京都接轨，为客人营造出犹如顿时置身于京都一般的舒怀之感。餐厅经理Francis好热情咁招待我哋，好快就安排咗我哋入座，留意到佢好重视每位客人，每一台客人佢都有去接触，会主动介绍菜品，询问大家嘅用餐体验，令我留下深刻嘅印象。而其他员工都一样，好留意客人嘅情况，频密咁加添茶水同更换干净嘅碟，有时仲会同你讲吓笑。餐厅个酒牌仲申请紧，见到Menu上面都有好多款式，希望快啲批嚟啦，呢度嘅气氛真系好适合同朋友或者同事放工后轻松吓。白桃果汁既然冇酒就饮下果汁先啦，同一般嘅糖水果汁唔同，饮落真系有清甜嘅桃味。开胃前菜刺身拼盘一共五款刺身三文鱼油甘鱼吞拿鱼帆立贝赤虾，每件都好新鲜好厚切，帆立贝都好厚肉，五款入面最钟意油甘鱼，味道淡但肉质好厚实。烧鸡泡鱼干喺其他居酒屋都食过鸡泡鱼干，但之前食嘅都系烧到好干身好硬，反而依度嘅鸡泡鱼干食
餐厅入面无论系餐桌嘅颜色同物料都比人一种好似去咗京都一样嘅感觉，问返店员先知道餐厅嘅设计灵感取自由明治时代开始的日本文化重镇京都深度构想，不论线条、形状同触感都同京都接轨，为客人营造出犹如顿时置身于京都一般的舒怀之感。
餐厅经理Francis好热情咁招待我哋，好快就安排咗我哋入座，留意到佢好重视每位客人，每一台客人佢都有去接触，会主动介绍菜品，询问大家嘅用餐体验，令我留下深刻嘅印象。而其他员工都一样，好留意客人嘅情况，频密咁加添茶水同更换干净嘅碟，有时仲会同你讲吓笑。
餐厅个酒牌仲申请紧，见到Menu上面都有好多款式，希望快啲批嚟啦，呢度嘅气氛真系好适合同朋友或者同事放工后轻松吓。
白桃果汁
既然冇酒就饮下果汁先啦，同一般嘅糖水果汁唔同，饮落真系有清甜嘅桃味。
开胃前菜
刺身拼盘
一共五款刺身三文鱼油甘鱼吞拿鱼帆立贝赤虾，每件都好新鲜好厚切，帆立贝都好厚肉，五款入面最钟意油甘鱼，味道淡但肉质好厚实。
烧鸡泡鱼干
喺其他居酒屋都食过鸡泡鱼干，但之前食嘅都系烧到好干身好硬，反而依度嘅鸡泡鱼干食落有种烟韧嘅口感，咸咸地加埋蛋黄酱真系好适合配酒。
牛舌串
系用牛舌芯呢个位置，所以肉质特别爽口弹牙，又够厚身，所以口感比一般食过嘅牛舌串都要好，烧到啱啱好带有少少粉红色，咬落肉汁流晒出嚟。
汁烧九洲枪鱿鱼
望吓隔离对筷子就知条鱿鱼几大条，烧得好入味，口感烟韧。
免治鸡肉棒
试咗盐烧同汁烧，鸡肉棒有混入鸡软骨，所以咬落口感极佳，汁烧要配生鸡蛋嘅蛋汁，唔系一般鸡蛋，系要用认证过嘅生鸡蛋先得，专系用嚟生食，蛋黄嘅味道真系比其他嘅鸡蛋要重好多，以蛋液亦都更加有粘性，可以更好咁挂系鸡肉棒上面。
幸福烧鸡
虽然系半只鸡，但系好大只，平时我系唔会食鸡皮，但系呢只烧鸡嘅鸡皮好薄，而且仲好脆，而鸡肉真系好滑好嫩，好似BB嘅肌肤咁，连鸡胸肉都特别滑，食到呢一刻已经有啲担心自己会食唔晒。
烧豆腐
啱啱烧好就拎过嚟，豆腐上面嘅木鱼都仲郁紧，豆腐都好滑，如果多少少汁会更加好。？
蒜香粟米
谂住佢最多送能够顺利，冇谂过竟然系成条，蒜味唔重，粟米本身够甜。
烧冲绳菠萝
又甜又多汁。
牛肉寿喜烧
店员特登俾我哋影咗张相之后先倒汤，寿喜烧个汤底真系好正，牛肉好大块件数亦都好多，本身倒左粒蛋落去，然后醒起食免治鸡肉棒嘅时候我已经好欣赏佢个生鸡蛋，即刻捞返出嚟，果然牛肉加蛋汁一流。
无论系刺身、烧肉定系烧海鲜都做得好好，食物嘅质素同埋员工嘅服务态度，都令我有好好嘅体验。
张贴
