吉列牛忌廉烏冬專門店 (百樂中心) (已結業)

之前一直都好想试下佢地个忌廉乌冬，咁啱今日去铜锣湾Times Square睇展览，顺道去探下店。位置唔偏僻，就系Times square 附近嘅百乐中心22楼。店舖装修以简约为主，唔太迫可接受，而每台都有一个炉用嚟烤牛肉嘅。睇过餐牌后比佢嘅美式顶级牛里脊吸引咗决定试试，另外叫埋咸蛋薯条及我最期待嘅咖哩忌廉乌冬。—————美式顶级牛里脊（配两款酱汁，黑松露及秘制酱汁）上菜时服务员话只有大约一至两成熟，可根据个人喜好将牛扒切开放在炉上烧及控制理想嘅生熟度，大约每边烧一分钟左右就食得，肉质细嫩不失嚼劲而且牛味香浓，另外仲有大啡菇，上面放咗芝士切开时有少许拉丝感，食落有菇香而且肉厚又多汁。——————咖哩忌廉牛肉乌冬呢个乌冬有牛或鸡选择，我地拣左牛肉，面层系厚厚嘅特制忌廉，下层系咖哩乌冬，食嘅时候将佢捞匀，本身以为会好腻，但食落又唔会反而增加咗幼滑感，好想一食再食，而牛肉粒都好嫩好好味，果然无令我失望。——————咸蛋薯条热辣辣够脆身，食落咸蛋味唔算好浓，但个人觉得反而啱啱好，唔会好滞。——————服务亦大致上不错，服务员有讲解食法，落单及上菜速度亦快，值得再去。