沐白小農 (已結業)

身为芋头鲜奶控，一直都有听人讲呢间嘅芋头鲜奶好好饮，于是趁有机会就过黎，一睇Menu有好多选择（有豆乳选项，非常好！），但都系买返杯大甲芋头鲜奶（中，常温，甜度固定，$30）。虽然系甜度固定，不过用饮管搅匀芋泥同奶之后无想像中咁甜，芋头泥系打得非常绵滑，芋头味都算香。最令我意外嘅系竟然奶味都非常出，系少数我觉得奶比芋头香嘅芋头鲜奶。可惜芋泥打得有D太幼滑啦，个人比较钟意有少少芋头粒可以咬下。睇落细细杯咁，但系由于芋头份量感觉都几多，所以食量少嘅人可能饮完都会觉饱。