中華滙館 (已結業)

平时比较少去呢类餐馆食饭 食过一次发现返唔到转头 环境感觉私密度极高 好适合同家人朋友聚会！装潢够特式！服务又贴心 不停帮你斟茶 店员会好关注你既要求！菜式质素高！整体感觉十分好！第一道菜系冷盘鲍鱼 食落有啲似刺身 鲍鱼用料新鲜 爽口唔会腥紧接系金砖豆腐 十分惊喜既一道菜 外脆内软不在话下 脆既表层好薄 唔系好厚既一旧粉 松脆程度一流 内里既豆腐好滑 入口即滑落喉咙👍🏻黑松露星斑球 平时好怕食鱼既我 竟然同男朋友争住食 哈哈！原因好简单 斑球一啲都唔腥 同埋啲肉比较坚韧 有咬口！辣子鸡 超级惹味同香口！男朋友表示好辣 但我觉得尚可 哈哈！钟意呢种麻味重啲既辣！榄菜肉碎炒饭听落系好普通既菜式 但要炒得好食真系唔系咁简单！呢到既炒饭就正正色香味俱全 味道均匀 炒饭食落唔会油腻 饭唔会一patpat 粒粒分明！有镬气！最后黎个芝麻卷作总结 唔会太甜 清返个口腔 配返啖热茶 完美！迟啲会再带屋企人黎一尝呢到既幽雅粤式菜！