影片
更多
2020-04-11
67 浏览
男友话想静静地同我食餐好嘅，心谂：而家有边度唔静架🙈！原来，佢系想去个清净啲嘅环境，就系大坑！因为之前黎过大坑食饭，好似小区生活咁，好钟意个气氛，但今次就食fine dining。呢间餐厅空间比较细，但好彩佢可以坐室外 气氛，估唔到气氛又相当好㖞，餐厅外位置属于一条巷仔，人流唔会太多，食饭唔会觉得被滋扰，食得好放松。侍应服务亦跟足，唔会因为位置响小区而质素降级。讲返食物，完全有惊喜，因为呢度系小区，估唔到质素咁好，先来个头盘日本刺身带子配黑鱼子，带子清甜鲜味，配沙律真系好开胃，而且底部仲有酸酸甜甜嘅红加仑子啫喱。再来另一个就系蟹肉芒果沙律，个名就好日式，但原来系用雀巢脆脆装住，设计有心思，蟹肉味浓，芒果较甜，配脆脆一齐食，多重口感享受，味道亦好夹。分开食又得，一齐食又得。主菜我就拣左呢个烧纽西兰羊架配芥末籽烧汁，闻落好香羊味，食落又唔臊，肉质又唔韧，岩哂我呢个箍牙妹食，佢嘅伴碟都好好食，薯仔同配菜都用心制作，同样好好食。男友就食美国顶级西冷，份量好似偏少，对佢黎讲啦😆😂，谂返好似无问我地要几成熟，睇落都几熟下，起码无血水，但唔韧，仲好腍下，我都食到😆，配菜就同羊架一样。Fine din
呢间餐厅空间比较细，但好彩佢可以坐室外 气氛，估唔到气氛又相当好㖞，餐厅外位置属于一条巷仔，人流唔会太多，食饭唔会觉得被滋扰，食得好放松。侍应服务亦跟足，唔会因为位置响小区而质素降级。
讲返食物，完全有惊喜，因为呢度系小区，估唔到质素咁好，先来个头盘日本刺身带子配黑鱼子，带子清甜鲜味，配沙律真系好开胃，而且底部仲有酸酸甜甜嘅红加仑子啫喱。
再来另一个就系蟹肉芒果沙律，个名就好日式，但原来系用雀巢脆脆装住，设计有心思，蟹肉味浓，芒果较甜，配脆脆一齐食，多重口感享受，味道亦好夹。分开食又得，一齐食又得。
主菜我就拣左呢个烧纽西兰羊架配芥末籽烧汁，闻落好香羊味，食落又唔臊，肉质又唔韧，岩哂我呢个箍牙妹食，佢嘅伴碟都好好食，薯仔同配菜都用心制作，同样好好食。
男友就食美国顶级西冷，份量好似偏少，对佢黎讲啦😆😂，谂返好似无问我地要几成熟，睇落都几熟下，起码无血水，但唔韧，仲好腍下，我都食到😆，配菜就同羊架一样。
Fine dining点可以唔饮返少少酒？简简单单都点左个西班牙白酒试下🤭。
综观食物味道，设计，服务都好好，期待男友 带我去下一次fine dining！😂
张贴
