龍泉私房菜

营业中

休息中

难食到一个点! 母亲节家姐订枱食饭, 话呢间好出名好好食, 咁大家一齐去试试啦, 点知……能够做到几乎每一味都唔好食其实都好高难度! 生拆蟹肉扒金山勾翅 ~ 先讲蟹肉, 成煲加埋都唔知有冇一只蟹钳份量! 翅好大梳, 不过超硬! 汤头又淡! 蒸元贝 ~ 元贝系新鲜既, 不过好靭! 粉丝入味! 天下第一鸡 ~ 4人份得半只, 鸡肉又嚡又靭, 好明显系雪鸡, 仲要系雪咗好耐! 花雕蛋白蒸蟹 ~ 重酒味, 蛋白都滑不过太水, 蟹有膏! 原只鲍鱼扣山珍海味 ~ 不。知。所。谓。鲍鱼系酸既, 又硬! 花胶仔又硬又有砂又腥! 冬菇虽然厚, 不过都系有阵霉味, 成件事只能以 “不。知。所。谓。” 去形容! 招牌三式虾 ~ 虾新鲜, 虾丸好实, 唔爽唔弹牙! 游水海斑 ~ 蒸得刚刚好! 鱼新鲜, 鱼肉好滑, 成餐饭最好味系呢碟! 瑶柱扒时蔬 ~ 瑶柱呢? 菜芯又生! 4人份, 大约每人一两啦! 飘香炒饭 ~ 叉烧炒饭, 有点少油, 但味道不错! 送甜品, 芒果布甸 ~ 应该唔记得落糖, 淡到几乎无味道只有色! 能够连芒果布甸都整得唔好食, 其实真系好难! 如果因为疫情无开舖做生意, 到开番的时候, 系咪