永記車仔麵

营业中

休息中

今日食过快LUNCH，然后就要出去个客既公司，想到「快、靓、正」既定必是【永记车仔面 】吧。我叫左「鱼肉春卷」、「炸鱼皮」、「咖喱鱼蛋」配香辣汤底既中辣，同事就叫左「陈皮鱼蛋」、「白萝卜」、「卤水鸡翼」配清汤。个人认为「鱼肉春卷」是【永记车仔面 】入面必试既食物，咸香既「鱼肉春卷」绝对为一碗车仔面锦上再添花，而且好有咬口。一要试下佢既自家制香辣汤底，真系真心香，正到我系会连汤底都会饮埋的，将「炸鱼皮」浸落去香辣汤底先再食，真系好食到返唔到转头，P.S 佢既炸鱼皮系好香脆的，而且盐味好够。「咖喱鱼蛋」鱼蛋好爽口弹牙，好有鱼味又唔会腥，加上用咖喱煮过之后特别入味又惹味，依家想o系香港食到呢类鱼蛋真系买少见少，大家真系唔好放过呢啲机会喔。「陈皮鱼蛋」真心推介，好多人问食家香港仲有边度可以食到「陈皮鱼蛋」?? 大家记住喇，系【永记车仔面 】呀 !!!果阵陈皮香真系难以抗拒，系小时候既回忆味道喔。「白萝卜」老板特意用牛腩汁高汤来炆煮「白萝卜」的，所以你会食到好浓郁既肉汁味道，炆得好淋而且又唔会有渣，呢个十分之重要要一环呢。唔好等喇 ~快啲揾日去食下啦。