Papa Express (已結業)

因为赶时间做嘢，响红磡站一路行落去行人天桥落到尖东，睇吓附近有乜嘢简单嘢食，又想食得清淡啲健康啲，就响落楼梯转弯，见到呢间细细间嘅papa express, 个餐牌睇落都好吸引，睇完之后其实好多嘢都想试吓，不过其他嘢大部份都系肉同饭为主，冇错真系好想食，但系同自己讲过一来要快，二来想耐唔中谰系食得健康啲，所以睇咗一轮都系决定拣一个沙律嚟食。结果就叫咗个RED 即系烟三文鱼加士多啤梨加蓝莓再加菜沙律同埋有啲藜麦。以佢嘅价钱嚟计呢个份量算好合理，同埋就咁摆响度个感觉都睇得出好用心去安排，睇完都特别想食，另外佢个沙律汁到好好味，酸酸甜甜咁。我都系觉得好好味，所以食咗少少先记得影相。尖东嚟讲性价比唔错，下次有机会要试吓其他嘢。