Chatterbox Express

营业中

休息中

依间海南鸡饭都几出名，想食好耐，今日经过就试一试。虽然招牌菜系海南鸡,但今晚想食得浓味啲，所以拣左「招牌大虾喇沙」同「新加坡肉骨茶配饭」。另外跟餐加左「香脆薄饼配咖喱汁及蔬菜条」同「椰子雪糕咖央三文治」。 有别于马来西亚肉骨茶咁重药材味同深色，新加坡肉骨茶偏白色，饮落药材味较淡，易入口。而且有很香的胡椒辛辣味。入面更有五六件排骨，煮得够哂入味。第一次食依款肉骨茶，都有啲惊喜。 至于大虾喇沙亦相当惹味，食落唔太辣但够哂开胃。大虾新鲜爽口，而豆腐卜吸收哂汤既精华同虾既鲜味。 薄饼有别于印度薄饼Naan，佢更薄更脆，加上咖喱汁就食到停唔到口。蔬菜条有青瓜同红萝卜，不过唔太啱我口味。 甜品拣左椰子雪糕咖央三文治，感觉就似窝夫雪糕咁，佢特别在用左咖央面包黎夹住雪糕，甜而不腻。 饮品就叫左「美禄恐龙」同「椰子冰茶」。美禄唔错，而椰子冰茶都几特别，甜度适中，加上浓郁既椰子奶，每啖都好似食紧椰子糖咁，不过略嫌茶味唔太够。 唔收加一，埋单两个人人均$150左右，都算满足既一餐。