影片
更多
2012-02-02
106 浏览
11月3日, 今日同屋企人一齐出街食饭庆祝呀菲农历生日~ 家人推介嚟呢间泰出色, 话嚟过食几次, 有几款心水菜式都保持住水准咁话, 我地就一于嚟试下!::: 沙爹串烧(半打) ::: $62奇怪呢度又唔系印度菜馆, 但串烧就无牛肉供应, 于是要咗猪同鸡各一半~ 沙爹嚟讲都几大串, 大大旧肉! 基本上d肉都烧得唔错, 微嫩有肉汁. 但系就无乜猪味鸡味, 两款都腌到同一个味咁, 系肉质上有少少分别~ 沙爹酱惹味, 有少少花生粒咬下, 几好!::: 冬荫功虾汤(小) ::: $68细嘅冬荫功其实都真系只够2个人饮. 我地咁多人就只系浅尝. 虾都几鲜嘅, 虾头都仲有d味~ 而个汤都有浸入dd虾嘅味道, 辣味唔系好够, 酸味十足, 如果辣番多少少就好喇~::: 泰式咖哩炒软壳蟹 ::: $138屋企人推介菜之一~ 话就话系咖哩炒软壳蟹, 但原来两样野系分开嘅. 先讲软壳蟹, 叫做炸得外脆内软唔油腻, 而且都几厚肉, 仲有少少蟹膏味, 食落唔错~ 美中不足系d炸粉唔够薄. 咖哩汁系平时炒蟹用加咗蛋嘅咖哩, 味道唔辣兼带少甜, 椰奶味亦重, 同软壳蟹味道都几夹! 伴碟仲有d酸青瓜萝卜, 酸酸甜甜正
::: 沙爹串烧(半打) ::: $62
奇怪呢度又唔系印度菜馆, 但串烧就无牛肉供应, 于是要咗猪同鸡各一半~ 沙爹嚟讲都几大串, 大大旧肉! 基本上d肉都烧得唔错, 微嫩有肉汁. 但系就无乜猪味鸡味, 两款都腌到同一个味咁, 系肉质上有少少分别~ 沙爹酱惹味, 有少少花生粒咬下, 几好!
::: 冬荫功虾汤(小) ::: $68细嘅冬荫功其实都真系只够2个人饮. 我地咁多人就只系浅尝. 虾都几鲜嘅, 虾头都
仲有d味~ 而个汤都有浸入dd虾嘅味道, 辣味唔系好够, 酸味十足, 如果辣番多少少就好喇~
::: 泰式咖哩炒软壳蟹 ::: $138屋企人推介菜之一~ 话就话系咖哩炒软壳蟹, 但原来两样野系分开嘅. 先讲软壳蟹, 叫做炸得外脆内软唔油腻, 而且都几厚肉, 仲有少少蟹膏味, 食落唔错~ 美中不足系d炸粉唔够薄. 咖哩汁系平时炒蟹用加咗蛋嘅咖哩, 味道唔辣兼带少甜, 椰奶味亦重, 同软壳蟹味道都几夹! 伴碟仲有d酸青瓜萝卜, 酸酸甜甜正好解下炸野嘅油腻感同热气~ 算无介绍错啦~
::: 椰汁青咖哩鸡 ::: $65呢个青咖哩香辛小辣, 不过椰奶味较淡, 质地都唔系好杰身𠮶只~ 鸡肉都系鸡柳, 肉质弹牙却欠鲜味. 不过配菜甚多, 大大条茄子、豆角、芥兰等, 配埋咖哩都煮得几香甜入味!
::: 香油松饼 ::: $28叫得咖哩梗系要配番个油松饼啦! 不过呢个香油松饼同马来西亚嘅油松饼又唔同, 呢只香油松饼唔系一丝丝好松软𠮶只, 质地比马来西亚油松饼实, 但又比普遍薄饼厚. 外层微脆, 咬落烟韧带少许面粉香, 不过略嫌油咁d… 食多两啖好易滞…
::: 泰式蛋包炒饭 ::: $58都系屋企推介之一~ 不过呢个饭卖相就普通咗d… 都唔系蛋包饭, 只系个炒饭面头铺一大块厚厚嘅煎蛋之嘛! 撇除卖相, 只蛋其实都几香, 蛋味几浓~ 入面个炒饭都几足料, 有虾、腊肠、车厘茄、芥兰、洋葱、青葱咁, 亦炒得够干身, 不过就有少少唔够味.
::: 泰式粉丝杂菜煲 ::: $62发觉呢度好多菜式都标榜住“泰式”两个字, 连呢个杂菜煲都唔例外, 不过佢又真系做到泰式嘅风味~ 因为佢都落咗唔少泰式调味料, 又有d炸蒜粒、虾米咁~ 成个煲粉丝够晒多, 煮得干身又够入味~ 杂菜丰富又鲜嫩, 几好味!
::: 泰国椰青 ::: $30一个椰青要卅蚊其实都几贵! 好在个椰青都几大个~ 雪得够冻之余内里香甜多汁! 好饮~
环境装修颇有泰国风情, 不过感觉都系似街坊格局. 但价钱都唔平~ 胜在食物出品够泰式地道, 份量同价钱比例都平均. 算佢无改坏名啦!张贴
