童話世界 (已結業)

韩风吹左咁耐, 炸鸡韩烧通街都系! 呢日就黎左柯士甸食呢间童话世界呢度环境唔错, 细细间唔太嘈, 可约三五知己前来倾计。店内有韩国staff亦有韩国客, 我地两个人order左两样野分别系原味炸鸡同芝士蛋卷另加一枝soda。首先上左芝士蛋卷($120), 好大份, 铺满茄汁热辣辣, 一定要衬热食! 蛋卷入面好多cheese, 啖啖都系, 加埋啲茄汁中和左味道唔会太溜~ 蛋本身都煮到好滑, 唔系全熟, 食到蛋香!等左一阵主角炸鸡($220)都到左啦!真系好大份, 系成只鸡@@侧边跟左啲薯片, 好脆好好味!可惜得少少唔够喉XD 至于炸鸡都配左两只sauce, 一只辣辣地一只酸酸地, 我就中意酸酸地𠮶只。炸鸡好滑好juicy, 就算系鸡胸都唔会觉得"鞋"; 炸粉唔会太厚亦唔会炸得太硬易入口无饮到啤酒饮左枝soda($20), 食炸鸡一定要配啤酒?@@ 不过枝soda有啲酸, 几好饮但我怕酸无饮哂。本身想嗌多份沙律清清地, 好彩无嗌因为两样野已经食唔哂! 食炸鸡都系同成班人黎食会开心满足啲!! 始终都系最回味韩国的正宗炸鸡啊~~~