百味村

营业中

休息中

嘉里酒店系黄埔新开既五星级酒店，喺码头隔离，扶手梯上一层就系百味村，我简称为food court，直行就系酒店正门，我建议都系经由酒店正门入去food court比较好，虽然行远左少少。个Food court环境都几正，入面有一部份系落地玻璃，出面系一大片草地，望出去可以见到一个超级无敌大海景，地方好干净而且光线充足，都几舒服。而food court有大量座位，有大长方台、圆台、方台、高身台，适合唔同人数坐，另外仲有一部足球机同埋美式桌球台俾人免费玩，享受美食既同时亦可以真正放松一下。呢度买野食基本上系唔驶排队，只要你揾好位坐低再用百味村既手机App 就可以online俾钱买野食，之后就会有职员拎野食俾你，呢个方法都几方便，由其是如果一个人食饭，排完队买野食之后又要揾位真系好痛苦。最近想食韩国菜，于是order 左 “ Bobbybox” 既 "Spicy Chicken & Pork Cutlet” $68，无野饮，除左有鸡同猪，仲有泡菜粒、椰菜丝沙律同菠萝片，份量偏少，女仔食既话都够饱，男仔就可能差少少，个泡菜粒都几辣，鸡同猪都好入味，整体黎讲都几好味。