影片
更多
2024-10-29
388 浏览
几十蚊就可以烧海鲜？…月尾，想悭钱，又想烧肉，我哋一行三人嚟到将军澳Popcorn嘅”安平烧肉”食lunch。当然最好嘅系本身嘅放题set，但如果手紧啲，其实几十蚊都有选择。呢个lunch set只系$85起，可以任选Menu上嘅肉，甚至海鲜。咁咪即系散叫？又唔系㖞，因为佢同时包咗出边任攞嘅配料、饮品、拌饭同甜品等，所以可以话系攻守兼备，想畅快又唔想食太多嘅选择。不过要留意用膳时间只系60分钟。今次我哋拣咗以下嘅嘢食:美国SRF极黑牛 ($38)澳洲M5和牛($48)生蚝($32)爽弹虎虾($38)烤帆立贝($38)安平牛舌芯($48)当中我会觉得两种牛肉(美国SRF，澳洲M5)、爽弹虎虾嘅质素比较高。牛肉要牛味、油香都不缺，而且几耐烧，就算熟咗都唔会好韧。虎虾就非常弹牙，点埋豉油仲好食过海鲜档嘅白灼虾。其他配料例如菠萝亦好甜，好容易烧。其他任拎嘅配料方面，比较特别嘅系芝士鹌鹑蛋、甜不辣同士林小香肠等等。另外有样一定要食嘅系”安平虾拌饭”，用上樱花虾、卤水汁、海苔同葱做出嚟嘅拌饭，其实绝对唔差过出边嘅伴饭水平，而且可以自己调配比例。嘢饮亦都有好多选择，特别百香果绿茶同蓝莓果茶，都系唔甜
月尾，想悭钱，又想烧肉，我哋一行三人嚟到将军澳Popcorn嘅”安平烧肉”食lunch。当然最好嘅系本身嘅放题set，但如果手紧啲，其实几十蚊都有选择。呢个lunch set只系$85起，可以任选Menu上嘅肉，甚至海鲜。
咁咪即系散叫？又唔系㖞，因为佢同时包咗出边任攞嘅配料、饮品、拌饭同甜品等，所以可以话系攻守兼备，想畅快又唔想食太多嘅选择。不过要留意用膳时间只系60分钟。今次我哋拣咗以下嘅嘢食:
美国SRF极黑牛 ($38)
澳洲M5和牛($48)
生蚝($32)
爽弹虎虾($38)
烤帆立贝($38)
安平牛舌芯($48)
当中我会觉得两种牛肉(美国SRF，澳洲M5)、爽弹虎虾嘅质素比较高。牛肉要牛味、油香都不缺，而且几耐烧，就算熟咗都唔会好韧。虎虾就非常弹牙，点埋豉油仲好食过海鲜档嘅白灼虾。其他配料例如菠萝亦好甜，好容易烧。
其他任拎嘅配料方面，比较特别嘅系芝士鹌鹑蛋、甜不辣同士林小香肠等等。另外有样一定要食嘅系”安平虾拌饭”，用上樱花虾、卤水汁、海苔同葱做出嚟嘅拌饭，其实绝对唔差过出边嘅伴饭水平，而且可以自己调配比例。
嘢饮亦都有好多选择，特别百香果绿茶同蓝莓果茶，都系唔甜又解腻解渴嘅选择。
我欣赏佢有啲平嘅方法可以唔使食得太多，又同时享受到任食嘅乐趣。最重要系，够平嘛。
张贴
