功德林上海素食 (世貿中心) (已結業)

趁日籍朋友黎香港公干，就带佢去食斋﹝日本比较少斋舖﹞。拣「功德林」既主要原因系地点方便、食物出色、环境舒适，最适合久别重逢既朋友一齐倾计。先黎一个小食拼盘，日籍朋友好开心可以自选菜单，佢拣咗鸡丝粉皮、炸腐皮卷同大豆芽菜。冻冻既鸡丝粉皮同花生酱捞埋一齐，十分醒胃。炸腐皮卷有好多疏菜作馅，抵消咗油炸外皮的油腻，大豆芽菜就普通咗D，就系够普通，才觉得好味。之后叫咗几碟小菜：咕噜肉既甜酸度啱啱好，仿猪肉十分迫真，「肉质」软硬适中，差D以为自己真系食紧咕噜肉，很有惊喜。日籍朋友大赞翡翠苗同用菇类做既鳝糊好食，翡翠苗好有草香味，真系又好味又健康。罗汉斋面十分足料，食完就好饱了。