日東麵包 (已結業)

以前在北角住的時候已經成日來買麵包，呢度的基本幾款麵包如方包及法包都做得不錯，像Cathie所言，連堅道的il Bel Paese都賣呢度的麵包，可見有水準。今日同老婆食完札幌拉麵，幾滿足。之後再去德興隆食碗炭燒豆腐花，再來這裡買幾個法包明天煮西餐。大大個黑麥法包11蚊5角，當然比il Bel Paese平好多；另外亦買了提子燕麥曲奇同果仁曲奇，另外亦買了一包蜜糖爆谷球。回到家裡用我的旅行Bialetti泡了兩杯Illy的espresso吃曲奇餅，提子燕麥曲奇非乾身，不太甜淡淡牛油香，幾好味但就無咩燕麥的口感及味道，8蚊半一包有5塊，幾抵食；果仁曲奇就偏乾身，粒粒果仁亦有半油香，都係咖啡良伴，呢個一包有七塊，更抵；蜜糖爆谷球係一個以爆谷完成的球体，幾得意，味道甜甜的，我估小朋友最鐘意，8蚊3個，幾經濟。出面陽光普照，一路嘆咖啡，一路吃曲奇，一路分享食的評語，一樂也。