陳記魚蛋

营业中

休息中

爹哋个零两个月总会有一日就会落深水埗买下呢样、买下𠮶样周围巡。深水埗都有好多嘢食，但系今日爹哋行行吓，突然间好惊讶，望住一间唔起眼的小食店讲一句：「系真唔系呀？ $12㖞……仲有嘅咩？」咁我问佢系咩？🧐原来佢讲紧系碗仔翅，依家通常出边食都要$20至$30一碗，我都唔知曾经有过咁平。😅讲返个碗仔翅，卖相味道其实同平时差唔多冇乜分别，但系佢买嘅就真系一个「平」字！但系佢只供应堂食，冇得外卖，谂住买多碗返屋企都唔得。港式立食碗仔翅，胡椒麻油醋。另外佢仲有平时食开嘅小食，鱼蛋烧卖鱿鱼…… …… 佢舖头只系一个细舖位，立式个位系条后巷嚟嘅，夏天就热死，冬天就冻死，而家个天气啱啱好，真系食到舔舔脷㗎。