Freshness Burger (已結業)

一阵子之前都已经谂住去试下呢间餐厅. 但系一直无乜机会. 估唔到今次无意经过, 又撩起呢个念头.今次试咗佢个布甸, 好滑, 好好味. 睇清楚, 原来系日本出品嚟o架!到而家都重系好挂住佢.重发现最近有新出品 (见图).于是又饮埋个巨峰提子特饮. 最初估佢可能系似 d 超市d浓缩提子汁咁....... 到杯嘢饮送到嚟, 一饮之下, 哗! 原全唔系𠮶回事, 真系好巨峰提子味, 简直系爱上佢. 不过多咗少少冰, 但都可以接受. (可能系我饮惯少冰至真!)服务方面, 系落完order之后, 将个牌放响枱面, 之后就会有人送餐. 唔使企晒响度等, 都几好吖! 执枱都几快, 事缘我地去到无卡位, 后来有人走咗, d 店员好快就执好张枱, 哈哈, 我当然系第一时间过去啦! 其实普通位都ok, 不过系我有卡位情意结啫!听朋友讲, 个芒果味甜品杯同埋个鸡扒沙律都几好味, 但今次实在装唔落, 我决定下次一定会再去.