隆記茶室 (已結業)

几钟意「隆记」嘅独特性及服务员嘅态度。佢嘅餐牌同其他普通茶餐厅唔同，有好多款式，但系佢唔系做碟头饭嘅。例如有铁板餐，有手打汉堡包，有健康素食...但系假日冇午市套餐🙁。🍝龙虾汁虾球伊面（转意粉）（$75）个人钟意意粉多个伊面，侍应问咗厨师话可以换👍🏻龙虾汁真系有啲虾味，同埋唔会太结。都有唔少嘅虾球，起码有六粒大嘅😯。我觉得一旧西兰花太少喇😅，可以比多一两旧😁。三宝饭（$65）有午餐肉、叉烧同埋煎蛋，但系我地转左炒蛋。加埋甜豉油，捞饭一流🤤。对男人来讲饭嘅份量可能会唔够饱😅。隆记常餐（$48）炒蛋好滑，多士好脆👍🏻叉烧同埋通粉嘅份量唔少，叉烧无染色嘅迹象😂，好腍，但系冇三宝饭D叉烧咁靓。餐牌写明用金宝汤，汤唔会太咸。菠萝包炒蛋（$26）菠萝包都算大，皮好脆。炒蛋望落较细，但系其实份量唔少。服务员嘅态度好好，环境光猛，但系啲卡位比较逼同埋窄，毕竟个舖嘅间隔较为奇怪，坐凳会舒服D。如果价钱便宜一D就好啦☺️。