團日式拉麵

营业中

休息中

放工想揾良心小店食，但公司附近冇，呢间算近，所以一试。本身唔算好钟意食日式拉面，因为觉得太咸，但味浓我系接受嘅。而呢间店算系喺香港食拉面令我加分嘅一间。我点咗碗鱼介汤拉面，首先欣赏嘅系汤好香木鱼味，面头会加木鱼碎同木鱼粉，汤浓香得嚟唔会木咸，食完唔会觉得劲口喝❤️🐟，反而汤我都饮晒，所以令我对拉面有改观。二，平时食拉面嘅笋同样都会好咸又老，但呢个完全冇呢啲问题。蛋即到熟度适中👍🏻。另外我好钟意佢哋嘅叉烧系火炙过❤️，猪肉够淋、脂肪食落口都会化。而美中不足嘅系我个人其实钟意食有咬口嘅面，但唔小心点错幼身面。但总括嚟讲，无论店同食物质素都唔错，会下次再选择帮衬。