Sobremesa Tapas Bar & Restaurant

营业中

休息中

要爬上山先去到呢间西班牙酒吧餐厅，伊利近街会转弯，打横行到掘头，转个90度嘅弯落山，过一个街口，落山𠮶条街仍然系伊利近街。地舖嚟嘅，细细间，无门，所以坐门口都几热，我就拣入啲嘅位一入门，等咗一阵先有侍应理我，之后我坐低好耐，先畀餐牌我，服务冷淡。后来有个外籍姨姨嚟问我要唔要叫杯嘢饮先，我问𠮶几款sangria有咩唔同，佢好耐心解释畀我呢个大乡里听，态度好好，热情好客，咁我心情就好返啲。我叫咗cava sangria, 系sparkling wine加各款生果，好清新，甜味果味酒味沟埋好丰富，好啱上到嚟餐厅一身汗嘅我，同炸嘢都好夹呢只好多tapas！冷，热，素，肉，海鲜，芝士都有，我哋叫咗个炸鱿鱼圈，热辣辣，炸得几靓，鱿鱼有腌过，够咸味，好食。上咗一小碟面包，配意式𠮶啲橄榄油同黑醋海鲜意粉意粉al dante，好烟韧，正。蕃茄酱汁就普普通通，海鲜就有鱿鱼同啲细细粒食唔出系咩嘅嘢，麻麻地肉眼扒配薯条外面有charcoal 焦香，够lum又有赵口，好好味！Churro西班牙经典甜品炸油条，又系热辣辣上，外面洒咗沙糖，咬落好脆，有少少玉桂味。配朱古力酱，好味！