影片
更多
2008-08-04
155 浏览
今日放假, 特意同老公仔入黎食海鲜. 虽然之前已经做定功课睇下边间受欢迎d, 本来都有3间心水, 不过黎到食海鲜, 当然要有得亲手拣先开心架麻. 最后拣左喱度. 同我地拣海鲜果位哥哥仔, 非常好人, 数口又精, 因为我地两个人食唔到咁多, 问佢如果我地中虾要4只系几多钱, 佢好快咁讲话4 只即几重, 几钱. 如果你想叫某海鲜, 服务好到佢会讲埋比我地听有客人会觉得咁样唔抵食. 即佢会好同唔好都同你讲, 真系抵赞. 老公仔想食蚝, 但佢话依家s蚝唔当做, 要8月15 打后食先好. 虽然听到有d 失望, 但觉得佢好,professional.我地上左楼上坐, 有电视睇. 可能系时间早的关系, 楼上得我地一台, 好似被我地包左场咁.感觉一流. 今晚我地食左... 1. 海鲜汤(送既)味道好鲜甜, 好正. 一饮就知落足料煲. 但系一煲太大, 两个人真系饮唔晒. 而且汤一冻, 腥 味就出晒黎, 要趁热饮.2. 豉椒圣子圣子肥美, 一流. 食过番寻味. 相比起本小姐最近于长洲食的那一碟真的天壤之别. 值得推介!3. 豉油皇中虾好香口, 脆卜卜, 脆到真系想成只放入口. 连老公仔唔食得虾都忍
我地上左楼上坐, 有电视睇. 可能系时间早的关系, 楼上得我地一台, 好似被我地包左场咁.感觉一流.
今晚我地食左...
1. 海鲜汤(送既)
味道好鲜甜, 好正. 一饮就知落足料煲. 但系一煲太大, 两个人真系饮唔晒. 而且汤一冻, 腥 味就出晒黎, 要趁热饮.
2. 豉椒圣子
圣子肥美, 一流. 食过番寻味. 相比起本小姐最近于长洲食的那一碟真的天壤之别. 值得推介!
3. 豉油皇中虾
好香口, 脆卜卜, 脆到真系想成只放入口. 连老公仔唔食得虾都忍唔住食左两只.
4. 蒜茸粉丝蒸扇贝
本身哩个系我地最喜欢, 亦系最想食的一道海鲜. 但系可能期望过高, 虽然未去到唔好食的程度, 但就觉得蒸过左龙, 有d " un ". 但亦奇怪一碟4 只, 其中一只无咁既问题. 一d 都唔" un ". 可见师傅的火喉仲要改善.
5. 椒丝腐乳通菜
味道一般, 同出面食无太大分别. 但我地本身见叫得三碟海鲜, 不如加碟菜啦. 但点知个汤咁大, 结果d 菜食唔晒.
6. 甜品: 椰汁马豆糕 和 橙
椰汁糕就一般. 椰汁味唔系太浓. 而个橙就.........太差啦, 金玉其外, 入面却有少少烂烂地.
最后收钱好搞笑, 埋单$404, 我地给多少少叫佢唔洗找. 个女侍应就问番我有无4蚊. 即叫我给实数. 哈哈, 到底佢地系唔收tips 定系嫌tips 太少呢?
不过今餐整体都食得几开心, 值得开饭.
张贴
