望月樓

营业中

休息中

同朋友系又一城度行完街，但又吾系话好肚饿，不过朋友话想食中餐，经过见到呢间就谂住试下～我地叫咗咕噜肉，咕噜肉卖相吸引，肉质新鲜而且份量都几多，仲有啲无花果伴碟，好睇又好食另外嘅黑松露炒饭都热辣辣，炒饭够晒获气，我同朋友都觉得好食！最有惊喜嘅系糖水，我地两个都叫咗蛋白杏仁茶，黎到见到个糖水碗好特别，入面嘅蛋白非常多，甜度适中，非常滋润养颜，暂时系我食过最好味嘅蛋白杏仁茶，另外佢地啲侍应其实都好主动，见我地茶杯无晒水都会主动加茶，非常细心，抵赞！