影片
更多
2017-06-10
52 浏览
当我谂唔到食咩好既时候，突然见到 “Mr. right” 既招牌，咦？系你喇！虽然唔系小弟既Mr. Right，但见门面装修几靓，几有情调，肯定系小弟今餐既right choice!坐低之后经理就推介佢地个晚餐set，应该系有齐主打菜式？好，就试试佢先。一开始食个烟三文鱼 Caeser salad 先。三文鱼整到好似朵花咁，几好睇，食落咸咸地，配番沙律中和一下个味唔错。之后仲有海鲜冷盘，有生蚝，田螺同虾。今次既生蚝海水味唔太重，有d 惊喜，亦有d 唔惯，不过口感都系几好既。田螺食落有少少沙，有d 失望。虾冇特别“处理”，唔会爽口，有时食番原味都唔错。食其他野之前饮番个汤先。红色既系龙虾汤，个汤几浓几入味，仲有多旧龙虾肉，几有口感。饮完汤就有蒜蓉包同鹅肝。蒜蓉包既蒜蓉酱落得啱啱好，口感香脆。鹅肝轻轻煎过，表面几脆口，再配以特制酱汁，味道令人回味。食完鹅肝之后就到主菜喇。我地叫左黑松露野菌蟹肉天使面。天使面煮得比较干身，如果有多d 酱汁会好d。面身几软滑，干身少少食都可以接受。蟹肉唔算好干，有专人预先拆出蟹肉，唔驶自己动手，真好。野菌几软身，仲有好多鱼子，整个配搭几特别。食到最后，又系甜品
坐低之后经理就推介佢地个晚餐set，应该系有齐主打菜式？好，就试试佢先。
一开始食个烟三文鱼 Caeser salad 先。三文鱼整到好似朵花咁，几好睇，食落咸咸地，配番沙律中和一下个味唔错。
之后仲有海鲜冷盘，有生蚝，田螺同虾。今次既生蚝海水味唔太重，有d 惊喜，亦有d 唔惯，不过口感都系几好既。田螺食落有少少沙，有d 失望。虾冇特别“处理”，唔会爽口，有时食番原味都唔错。
食其他野之前饮番个汤先。红色既系龙虾汤，个汤几浓几入味，仲有多旧龙虾肉，几有口感。
饮完汤就有蒜蓉包同鹅肝。蒜蓉包既蒜蓉酱落得啱啱好，口感香脆。鹅肝轻轻煎过，表面几脆口，再配以特制酱汁，味道令人回味。
食完鹅肝之后就到主菜喇。我地叫左黑松露野菌蟹肉天使面。天使面煮得比较干身，如果有多d 酱汁会好d。面身几软滑，干身少少食都可以接受。蟹肉唔算好干，有专人预先拆出蟹肉，唔驶自己动手，真好。野菌几软身，仲有好多鱼子，整个配搭几特别。
食到最后，又系甜品既环节。今次食左咁多好野，甜品就唔食得咁heavy 喇。今次叫左杂果雪芭。一阵白色泡沬中间既黄色半圆就系雪芭喇。上碟个下真系有d surprise，雪芭唔算好甜，味道啱啱好。雪芭下面仲有好多水果，甜品黎讲呢个都算健康喇。
食饱饱又系时候同 Mr. Right 讲再见。呢餐都算唔错，希望之后做得更好。
张贴
