18 Restaurant (已結業)

系团购买左优惠券,就约埋朋友一齐去食,因为之前已经订左位,所以基本上一上到去就有位唔驶等,入到去觉得个环境唔错,当然要巡下有咩野好食啦,热盘选择都有十几廿款,望落去都唔错,跟手即刻去睇下有咩野海鲜食，见到有海中虾、蚬、青ロ及龙虾仔,竟然见唔到有蚝,即刻失望到爆,点知拎左D野食埋位后,有个侍应拎左一碟生蚝黎,之后再讲话有需要可再ORDER,见到生蚝即刻开心晒,虽然唔算好大只,但味道十分鲜甜,最后我同朋友2个人食左5碟,每碟有6只,即系总数食左30只真系咩本都返晒黎刺身就真系比较少,热盘味道都OK,甜品觉得个CHEESE CAKE唔错,又有朱古力喷泉玩下,虽然我唔系话好钟意食朱古力,不过都有玩左几样仲有Dryer雪糕食,饮品因为我地剩系饮啤酒,无试其他,所以都唔系好知D果汁好唔好饮,另外值得一赞系D侍应服务态度好好,收碟速度又非常快,所以整体来讲,以二百几蚊BUFFET黎讲系好抵食