大壹冰室 (已結業)

又到lunch time，Vivian突然好想锯扒同食薯条，就㨂左呢间食～MenuVivian黎到就以目标为本，坐低就即刻叫左818号餐（大壹冰室杂锦肉扒）配薯菜，呢到既set lunch会包一杯热饮（冻饮要加钱），餐汤&蒜蓉包，$65有咁多野食真系少见（仲要味道唔差）大壹冰室杂锦肉扒 （$65）with罗宋汤&热菜蜜呢个餐$65真系好有良心（比起第一城某类似餐厅），首先个罗宋汤好好饮，酸酸甜甜啱啱好，然后呢个餐有块大鸡扒&猪扒，仲有条司华力肠，同埋薯条（睇图见到餐厅好好比埋茄汁，Vivian发现唔系间间餐厅都识比茄汁，有时其他餐厅要问职员先会有），Vivian食过呢间餐厅其他有猪肉既餐，发现佢既猪肉系整得特别好食，猪肉煮得好腍，又唔会太咸/太咸，然后今次食埋佢既鸡扒又系好嫩滑，所有野食都非常好。热菜蜜都系正常发挥。Overall好唔好食？正会唔会再帮衬？Of course会啦